Легендарниот кошаркар на Лос Анџелес Лејкерс, Коби Брајант, смета дека постојат големи шанси САД да остане без златен медал на претстојниот Мундобаскет во Кина.
Коби е назначен за „глобален амбасадор“ на ова Светско првенство, а во пресрет на денешната ждрепка на социјалните мрежи одговараше на прашања поставени од фановите.
- Мислам дека Србија може да не победи. Секој секого може да победи на овој собор, затоа мораме да бидеме многу претпазливи и подготвени, бидејќи можеме да останеме без злато, изјави Брајант.
Ждрепката за Мундобаскетот е закажана за денеска, а за разлика од САД, Србија е во вториот шешир.
Светското првенство во Кина на програмата е од 31 август до 15 септември, а титулата ќе ја бранат САД.
