Македонскиот народен театар со претставата „Народен непријател“ од Хенрик Ибзен, во режија на Нина Николиќ на 31 мај ќе гостува на сцената на Црногорското народно позориште, во Подгорица, Црна Гора, а на 2 јуни во Босанското народно позориште, во Зеница, во БиХ.
Како што посочуваат од МНТ, претставата во која играат: Никола Ристановски, Звездана Ангеловска, Дарја Ризова, Јана Вељановска, Ана Арсовска/Лана Грпчевски, Благој Веселинов, Петре Арсовски, Сашка Димитровска, Александар Михајловски/Григор Јовановски, Нино Леви и Мартин Ѓоргоски, за краток период по премиерата доживеа голем успех и доби повеќе признанија и награди како на домашната, така и на интернационалната фестивалска сцена.
