Доволнo природна светлина е потребно секој ден зашто влијае на расположението и квалитетот на сонот на една личност. Нова студија фрла светлина врз важноста да се добие доволно дневна светлина за да се обезбеди правилно функционирање на нашите тела, пишува theladders.com. Студијата ќе биде објавена во списанието Journal of Affective Disorders. Таа открива дека луѓето кои поминувале повеќе време во природна светлина во текот на денот имале помалку симптоми на депресија, помали шанси за употреба на антидепресиви и подобро спиеле.
Додека телекомуникацијата елиминира делови од нашиот работен ден, како што се релаксирачкипрошетки со кафе или ручек, ова е потсетник дека е важно да излезете надвор – не само штопешачењето има придобивки врз физичкото здравје, туку и светлината игра важна улога за нашата благосостојба.
Студијата вклучува одговори од повеќе од 400.000 луѓе во Велика Британија. Утврдено е дека учесниците поминуваат во просек два и пол часа дневно на отворено. Истражувачите велат дека секој дополнителен час поминат на отворено е поврзан со помала веројатност за доживотно депресивно нарушување и употреба на антидепресиви, поголема среќа и намален невротизам. Повеќето дневна светлина им олеснува на учесниците да стануваат полесно по спиење и го намалува чувството на замор.
„Луѓето сега го поминуваат поголемиот дел од своите будни часови под вештачка светлина, поради намалена изложеност на сончева светлина и релативно силна ноќна светлина“, вели во соопштението вонреден професор на Универзитетот Монаш, Шон Кејн. „Во оваа студија, забележавме дека подолгото време поминато на отворено е поврзано со подобро расположение, поквалитетен сон и леснотија на будење. Недоволната изложеност на природна светлина може да биде клучен фактор што придонесува за лошо расположение, нарушување на спиењето и депресија. Мојот општ совет за секого е едноставен: кога ќе изгрее сонцето, излезете на отворено, но откако ќе зајде, останете во темнина. Телото ќе ви биде благодарно “.
Ако сте некој што е врзан за маса во текот на денот, постојат мали трикови кои можат да ви помогнат да поминете повеќе време на отворено во текот на работната недела.
Програмирањето на редовните паузи може да ве потсети дека треба малку да се повлечете од вашето биро. Иако „Зум“ често бара од луѓето да ги вклучат камерите за конференциски повици, постојат начини што им овозможуваат на луѓето да им се придружуваат на повиците преку телефон, што значи дека можете да разговарате надвор додека одите. Вежбите – без разлика дали трчате или одите – се исто така корисни.
