Советот на Европа (СЕ) смета дека соработката со Русија е неопходна во поглед на обезбедување на човекови права и демократија, изјави денеска генералната секретарка на СЕ, Марија Пејчиновиќ Буриќ во писмото испратено до рускиот министер за надворешни работи Сергеј Лавров по повод 25-годишнината од приемот на Русија во СЕ.
„За тоа време, Русија има ратификувано речиси 70 конвенции и протоколи. Тука спаѓаат Европската конвенција за човекови права и Европската социјална повелба, кои се темел на човековите права во Европа денес“, се наведува во писмото на Пејчиновиќ Буриќ, пренесува ТАСС.
Според неа, Руската Федерација треба да одигра витална улога како една од 47-те земји кои работат заедно за да се справат со актуелните и новите предизвици за човековите права, демократијата и владеењето на правото во заедничката правна област.
Генералната секретарка на Советот на Европа, исто така, изјави дека Русите, како и сите други европски граѓани, имаат крајно право да поднесат жалба до Европскиот суд за човекови права во Стразбур.
Таа вели дека се забележано некои позитивни промени предизвикани од извршувањето на казните во Русија, вклучително подобрени затворски услови, заштита на имотните права и нови правни заштитни мерки за воениот персонал.
Извор:МИА
