Радиосигнал оддалечен девет милијарди светлосни години од Земјата е снимен во најквалитетниот запис досега, објави Space.com. Сигналот е откриен со единствена бранова должина позната како „линијата од 21 сантиметар“ или „водородна линија“, која наводно се емитува од неутрални атоми на водород.
Сигналот што го фати Giant Metrewave радио телескоп во Индија може да значи дека научниците можат да почнат да го испитуваат формирањето на некои од најраните ѕвезди и галаксии, се наведува во извештајот.
Истражувачите открија сигнал од „галаксијата што формира ѕвезди“ наречена SDSSJ0826+5630, а кој беше емитиран кога Млечниот Пат стар 13,8 милијарди години – галаксијата во која се наоѓа Земјата – била стара само 4,9 милијарди години.
„Тоа е еквивалент на освртoт на минатото од 8,8 милијарди години“, вели авторот и космолог Арнаб Чакраборти.
Се вели дека галаксиите наводно емитуваат светлина во широк опсег на радио бранови должини. Но, до неодамна, радио брановите со бранова должина од 21 cm беа снимени само од блиските галаксии.
„Галаксијата емитува различни видови радио бранови. Досега беше можно да се сними овој сигнал само од блиската галаксија, ограничувајќи го нашето знаење на галаксиите поблиску до земјата“, рече тој.
Сигналот им овозможи на астрономите да ја измерат содржината на гас во галаксијата и да ја пронајдат масата на галаксијата.
