Кој рече дека пицата мора да биде солена? Сè попопуларна е слатката пица со овошје. Многу ја сакаат со нутела крем и банани, а ние ви нудиме рецепт со сезонско овошје. За нејзината подготовка нема да ви биде потребно многу време, а вкусот е фантастичен и освежувачки.
Потребни состојки:
- 300-400 грама брашно
- 125 гр путер
- 5 лажици шеќер
- прашок за пециво
- 1 јајце
- 200 гр крем сирење
- 6 лажици шеќер во прав
- 50 гр бело чоколадо
- рибизли, боровинки, јагоди, малини, киви и друго овошје по желба
Начин на подготовка:
Подгответе го прво тестото за пица. Ставете брашно во сад, стопен путер, јајце и шеќер. Замесете тесто и оставете го да отстои половина час во фрижидер.
За тоа време направете го филот. Во крем сирењето додадете го шеќерот и стопеното бело чоколадо. Сите состојки соединете ги со миксер.
Извадете го тестото од фрижидер. На набрашнета површина развлечете го тестото во облик на пица. Ставете го да се пече, а потоа печено намачкајте го со фил, а потоа наредете го обошјето. Оставете да се олади и така служете го.
Уживајте во вксуот!