Американскиот кошаркар Адам Смит ја напушти грчката екипа ПАОК заради неисплатени плати. Тој во грчкиот шампионат бележеше 16 поени во просек по натпревар, додека во ФИБА Лигата просечно постигнуваше по 17 поени.

Сепак од тимот на ПАОК тврдат не е точно дека Американецот си заминал заради неисплатени плати и дека случајот ќе заврши на суд.

-Адам Смит цело време беше уредно платен и клубот не му должи ништо. Тоа што го кажа Смит е неуспешен обид да го оправда своето отсуство. ПАОК веќе ја извести ФИБА за се и наскоро ќе покрене правна постапка, се вели во соопштението на грчкиот тим.