Синот на Аки Рахимовски, музичарот Кристијан Рахимовски, откри што се крие зад приказните дека тој и неговиот татко се во расправија. Наследникот на фронтменот на групата „Парни ваљак“ изјави дека тие двајцата никогаш немале врска татко-син, дека тој често го запоставувал заради неговите настапи и дека сè уште не ја запознал својата тримесечна полусестра Антонија.
Додека Аки повторно ужива во родителството со ќерката што неодамна ја доби со својата 27 години помлада партнерка Барбара, неговиот син од првиот брак откри во какви односи се.
– Никогаш не му судев на татко ми. Имавме несогласувања многупати во врска со некои работи, но дури и во тие несогласувања бевме доволно искрени да не се лажеме – започна Кристијан за „РТЛ Ексклузив“ и откри дека сè уште не ја запознал својата полусестра. Раѓањето на дете е убава работа. Да се биде среќен е исто така убава работа. Татко ми има 65 години и најважно е што е среќен. Сè уште не сум ја запознала Антонија, но ќе ја запознам. Ќе гледам да отидам во Словенија. Сè се случи доста брзо, така што не е голема работа, важно е детето да е живо и здраво. Единствено што можам да кажам е да се остави животот да продолжи.
Потоа додаде:
– Јас и татко ми никогаш не успеавме да изградиме класичен однос на татко и син, бидејќи тој како голема ѕвезда од 365 дена настапуваше 200. Кога си мал тоа не го разбираш, а бидејќи со години и јас се занимавам со музика, сега ми се појасни некои работи. За разлика од него јас сакам што повеќе време да минувам со моите деца. А, Аки не сака внуците да го викаат дедо.
Покрај Кристијан, кој го доби во првиот брак, Аки од неговиот втор брак со Ингрид ја има и ќерката Дина. Пред извесно време со Барабара ја доби ќерката Антонија. (М.А.)
