Популарниот македонски поп-пејач Ѓоко Ѓорчев, кој редовно настапува дома и во странство, а кој нагалено го викаме македонски Том Џонс, освен во музиката, одлично се разбира и во модата. Кај него неизбежен е во последно време еден актуелен светски моден хит, белата шапка. – Многу добро забележавте вие од ВЕЧЕР дека белата шапка ми е заштитен моден знак и во зима и во лето. Откако добив грст комплименти решив веќе да не ја симнувам од глава, единствено, се разбира кога одам на спиење.
–
Не само што добро ми се совпаѓа со мојот имиџ во овие години туку, рака на срце, многу си ги засакав шапките, особено ги сакам кога е топло летно време, кога ме штитат и од сонцето. За самата сцена имам и други шапки во разни бои, но сметам дека белите ми се слабост. Велат дека ги потсеќам на италијанските пејачи кои се незаменливи со своите канцони, а тие Италијаните важат за вистински шмекери на сцената. Така да очекувајте ме и на секој мој следен концерт или настап во некоја таква модна комбинација, вели Ѓорчев за ВЕЧЕР кој наскоро за своите фанови подготвува нови песни, нов албум, но и еден целовечерен концерт. Дуле М.
