Општина Центар започна со првите подготовки за изградба на најголемата детска градинка во населбата Пролет.
Како што информираат локалните власти, на површина од 3.276 квадратни метри ќе се изгради нова и најмодерна градинка, која што ќе биде со инклузивен карактер, еколошки одржлива и со енергетско ефикасна фасада.
Со изградбата на новата детска градинка во Пролет, значително ќе се зголеми згрижувачкиот капацитет во предучилишното образование во Центар и ќе се овозможат нови просторни услови со згрижувачки капацитет за 150 деца.
Објектот ќе биде изграден по сите стандарди за квалитет, а од општинскиот буџет ќе бидат обезбедени 154.243.997 денари.
