Близок извор до таборот на лондонскиот премиерлигаш Тотенхем откри дека раководните лица ќе се обидат за време на зимскиот преоден рок да стават крај на соработката со повремениот репрезентативец на Англија, Деле Али. Искусниот играч за врска веќе подолг период игра под очекуваното ниво и затоа повеќе нема статус на стандарден првотимец. Според истиот извор, Али ќе биде продаден доколку официјалната понуда не биде помала од 45 мил. евра.
