Американската пејачка Селена Гомез влезе во историјата како прва жена која ја следат повеќе од 400 милиони корисници на Инстаграм.

Додека пејачката и актерка во моментов е најследената жена, фудбалерот Кристијано Роналдо е генерално најследената личност на платформата со вкупно 562 милиони следбеници. Зад него е Лионел Меси, кој го следат 442 милиони луѓе.

Последната објава на Селена Гомез на Инстаграм е фотографија на која позира во сосема природно издание, без шминка, што ги воодушеви нејзините фанови. Заедно со двете слики таа го додаде описот Violet Chemistry, што е името на песната на нејзината колешка и пријателка Мајли Сајрус.

 

View this post on Instagram

 

A post shared by Selena Gomez (@selenagomez)

Мајли Сајрус во коментар ѝ остави црвено срце, исто како и Мишел Фајфер, додека многу други познати личности како Парис Хилтон, Џесика Кепшо, Суед Брукс и оставија емотикони и пораки во кои нагласуваат колку е убава.

Инаку, Гомез за само еден ден доби повеќе од два милиони нови следбеници на Инстаграм и стана најследената жена на популарната социјална мрежа. Таа ја симна од тронот Кајли Џенер, која ја следеа стотици илјади луѓе. Причината е драмата меѓу нив двете, во која е вклучена и Хејли Бибер, сопругата на Џастин Бибер.

Сагаа започна на 22 февруари кога милиони фанови заклучија дека Хејли и Кајли ја исмеваат Селена поради нејзиниот изглед на социјалните мрежи. Тоа беше истиот ден кога Селена ја собори Кајли како најследена жена на Инстаграм.

Наскоро на социјалните мрежи започна вистинска навивачка војна. Милиони луѓе застанаа во одбрана на Селена Гомез и почнаа да ги повикуваат другите да ја следат на социјалните мрежи и да престанат да ги следат Кајли и Хејли. Бројот на нивните следбеници брзо почна да се намалува за стотици илјади луѓе, додека на Селена од 381 милион се искачи на над 400 милиони.