Руската национална чорба боршч, која е карактеристична и за Украина, Полска, Молдавика, се подготвува на неколку начини. Најчесто тоа е чорба од зелка со говедско месо, а киселата павлака и кашата од хељда се нејзин неопходен составен дел. Боршч може да се приготвува и со цвекло од туршија како главна состојка. Токму затоа Русите имаат залиха од скиселено цвекло во секој период од годината.
Потребно е:
- 500 г. Говедско месо
- сол, бибер
- кромид
- лук
- 2 моркова
- 3 компира
- 2 цвекла
- половина главица слатка зелка
- 4 домати
- 40г путер или маргарин
- оцет
- сечкан магдонос
- чаша кисела павлака
- 250 г хељдина каша + 50 г путер
Приготвување:
Говедското се сече на коцки и се остава да се вари половина час во 1,5 литри вода заедно со малку сол, бибер и изгмечен лук. Кромидот, морковот исечкан на коцки, компирот и цвеклото, исечканата зелка и крупно здробениот дома се пропржуваат на путер, а потоа се става супата од месото и се остава да се вари на тивок оган. Супата се зачинува со оцет, бибер, сецкан магданос и пред сервирањето се прелева со павлаката.
Кашата треба да се испржи посебно, но не во врел путер, колку само да се зарумени:потоа се става во лонец и се налева со врела вода, колку да се покрие и добро се посолува. Се вари на врел оган додека не набабри, па така сварената каша се прелева со путерот кој се пржеше до заруменување и се сервира со боршчот.