Дани Алвеш со години, како фудбалер на каталонскиот гигант Барселона, играше против португалскиот интернационалец Кристијано Роналдо и вечниот ривал, тимот на Реал (М). Ова лето, откако стави крај на новата авантура на „Ноу Камп“, офанзивниот бек потпиша едногодишен договор со мексиканскиот клуб Пумас, додека Ронадло и понатаму е дел од англискиот премиерлигаш Манчестер Јунајтед.
- Го сакам Роналдо. Сека, кога повеќе не сме дел од Барселона или Реал (М), можам да ја кажам целата вистина. До сега, имав чувство дека не можам да ја кажам. За сите нас, кои го немаме тој квалитет, Роналдо е пример како со напорна работа можеш да играш со најдобрите. Многу го почитувам и тоа сум му го кажал, изјави 39-годишниот Алвеш во подкастот на тимскиот колега, Ефраин Веларде.
Легендарниот репрезентативец на Бразил раскажа и една анегдота од времето кога имаше големо ривалство помеѓу Барселона и Реал (М).
- За какво ривалство станува збор ќе ви стане јасно кога ќе ви кажам дека во една ситуација јас дојдов до Роналдо со намера да се поздравам со него, но Португалецот не сакаше да се поздрави со мене. Контроверзната ситуација се случи за време на доделувањето на „Златната топка“, кога дојде до „физичка пресметка“. Сите се поздравивме, но Роналдо не сакаше да се поздрави со мене поради ривалството. Како да не почитувам еден човек кој се постигнал со напорна работа, со срце и душа? Да го споредам Роналдо со Лео Меси? Ако правите споредба само поради работата, а не и талентот, тогаш поблиску е Роналдо отколку Меси. Лео е роден талент, само Меси може да дојде до другиот свет, додаде Алвеш.
