Северна Кореја го претстави „најмоќното оружје на светот“

43

Северна Кореја на воената парада во четвртокот во Пјонгјанг го претстави новиот вид балистичка ракета што се лансира од подморница (СЛБМ). Случајно или не, демонстрацијата на моќ, се случува неколку дена пред инаугурацијата на новоизбраниот претседател на САД, Џо Бајден, која е закажана за 20 јануари. Фотографиите на државните медиуми покажуваат дека лидерот Ким Јонг Ун се смее и мавта додека го надгледуваше настанот на плоштадот Ким Ил Сунг во Пјонгјанг.

На парадата дефилираа војници, тенкови, ракетни фрлачи и неколку од, како што рекоа аналитичарите, нови варијанти на балистички ракети со краток дострел и СЛБМ- опишани од државните медиуми како „најмоќното оружје на светот“. На парадата не беше прикажана најголемата севернокорејска интерконтинентална балистичка ракета, за која се верува дека може да испорача нуклеарна боева глава на кое било место во САД. Според фотографиите објавени од севернокорејската агенција КЦНА, ракетата СЛБМ, веројатно е означена како „пукгуксонг-5“, беше промовирана заедно со различни балистички ракети на цврсто гориво и друго оружје.

Покажувањето на силата доаѓа по повеќе од една недела политички состаноци, за време на кои Ким ги обвини САД за „најголем непријател на неговата земја… без разлика кој е на власт“ и вети дека ќе го прошири воениот потенцијал на комунистичката земја. Северна Кореја имаше непостојана врска со Обединетите држави под администрација на претседателот Доналд Трамп во заминување, а лидерите на двете земји се впуштија во меѓусебни закани за војна пред средбата во Сингапур во 2018 година. По тој самит беше постигнат мал напредок во преговорите за Нуклеарната програма на Северна Кореја, а пред планираниот втор самит во Виетнам во 2019 година се расипаа откако Вашингтон ги отфрли барањата на Пјонгјанг за ублажување на санкциите