Граѓанскиот концепт “Едно општество за сите” ги победува стереотипите. Времето на поделби заминува во историјата. Моноетничкиот концепт кога партиите се обраќаа само во својот етнички кампус е поразен, реагира владејачката партија преку партиско соопштение.
СДСМ ја гради најголемата, најразноликата и најмоќната предизборна коалиција до сега и токму затоа таа е победничка. Предизборната коалиција со Движењето Беса е заеднички чекор со кој мултиетничкиот карактер на Северна Македонија го пресликуваме во конкретна програмска и кадровска понуда, стои во соопштението од СДСМ.
Нашата визија за Северна Македонија, велат од партијата на Зоран Заев, е економски силна и стабилна држава, праведна земја, членка на НАТО и ЕУ и тоа заедно со граѓаните ќе го оствариме.