Моделот Џереми Рулман ненадејно почина на 27-годишна возраст, а причината за смртта се уште не е позната.
Џереми имаше богата кариера и соработуваше со светски познати модни дизајнери. Модниот дизајнер Кристијан Сириано на својот Инстаграм профил објави фотографија од Рулман за време на една од нивните соработки.
View this post on Instagram
„Никогаш не сум објавил вакво нешто, но навистина е тешко да изгубиш пријател кој имаше и беше толку убава душа. Ова е за Џереми, најубавиот човек кој им даде толку многу љубов на сите што ги запозна без разлика на се“, напиша Сириано, а потоа додаде:
„Ја испраќам сета моја љубов до неговото семејство и пријателите кои изгубија некој толку посебен. Знам дека ќе се сретнеме повторно еден ден, но во моментов сакам само да го гушнам. Одмори се добро, сите те сакаме многу!“
Џереми е роден во Њу Џерси, студирал психологија, а потоа почнал да се занимава со манекенство.
