Крилниот напаѓач на Италија, Фердерико Бернардески, откри дека пред три години, само селекторот, Роберто Манчини, верувал дека неговиот тим може да биде дел од финалниот натпревар.
- Имаше еден „лудак“ кој пред три години веруваше дека можеме да бидеме каде што сме денес, а тоа е нашиот селектор, Роберто Манчини. Тој секогаш веруваше во нас. Вистина е кога кажува дека ова е тим со 26 играчи, тоа го кажува затоа што ова е прекрасна група. Ова е резултат од напорната работа на сите играчи, сите кои се дел од репрезентацијата. После периодот на мачење, кога патевме, дојде периодот на нешто прекрасно, изјави фудбалерот на Јувентус.