Главното обележје на овој ден беше Штафетата на младоста. Додека месец и половина претходно низ целата земја патуваа штафети, поминувајќи низ секој град од Триглав до Гевгелија, на денешен ден главната штафета му се предаваше на Тито, со спектакуларен слет во Белград. Последната ваква штафета „патуваше“ во далечната 1987 година, седум години по смртта на Тито. Наредната година, беше укината оваа некогаш популарна манифестација. Голем број од штафетите денес се чуваат во Куќата на цвеќето, Титовиот мавзолеј во Белград.
Овој ден беше неработен ден и општ национален празник на тогашна Југославија.
Медиумите од регионот пак, денеска го одбележаа денот и со снимки од сеќавањата, но и од животот во државата што веќе не постои.
И денеска некои се сеќаваат на тие убави времиња, особено оние кои со носталгија гледаат на животот во Југославија.
Погледнете дел од тогашната атмосфера во видеото:
