Според министерот за здравство Беким Сали во моментов епидемиолошката состојба е добра, но се додека на дневна основа бројките на новозаразени се од 80 до 90 пациенти, маски ќе се носат во сите здравствени установи, во аптеките, во јавниот превоз, такси превозот и во старските домови.
Сали вели дека Комисијата за заразни болести во периодот што следи ќе направи симулација за можна појава на петти бран на Ковид-19, но главно таа ќе се фокусира и на лекување пациенти со постковид компликации.
-Комисијата ќе продолжи со работа,не со истото темпо, но со планирање како да се справиме со постковид состојбите кај пациентите што го прележале вирусот- нагласи Сали и дополни дека се уште не е утврдено дали ќе биде еден објект, една клиника во кој ќе се третираат сите посковид компликации или повеќе клиники за одредени пациентите.
(В.Ма.)
