Анализата на МВР покажува дека голем број од кривичните дела во текот на летото се вршат поради недоволна грижа и внимание како за личната безбедност така и за имот од страна на самите граѓани. Како причини кои се јавуваат за појавата на овие кривични дела големо влијание има општествено – економските прилики и современиот начин на живот. Последиците кои произлегуваат од извршените кривични дела се: одземање на вредни предмети (пари, накит, документи).
Со цел намалување на бројот на кривичните дела од овој вид, а со цел подигнување на свеста кај граѓаните во соработка со полицијата и преземање на мерки за самозаштита и секако намалување на материјалата штета од овој вид на криминалитет, од вчера до 14 овој месец се одржува првиот Саем за безбедност и превенција во Скопје во ТЦ „Сити Мол“. Саемот се одржува под мотото „Живеј безбедно“ со цел, превенција на криминалот и едукација на граѓаните за спречување кражби во куќи и станови за време на летниот период. Саемот го организираат МВР, СВР – Скопје, Одделението за превенција во соработка со Комората за приватно обезбедување и „Скопје Сити Мол“.
Граѓаните на едно место ќе имаат можност да се запознаат со програмата на СВР – Скопје и услугите што инстутициите и компаниите ги нудат за помош и самозаштитита покрај редовното полициско работење и превентивните активности на работа на полицијата во соработка со заедницата.
– Криминалот може да се случи, но може и да се спречи – велат од МВР.