САД подготвуваат санкции против руските банки

17
epa08330022 A single man wearing protective mask stands in front of the cathedral of Vasily the Blessed and Lenin's mousaleum on the Red Square in Moscow, Russia, 29 March 2020. Russian authorities recommended for all Russians do not leave their homes for nine days in order to stop the spread of the coronavirus Covid-19 disease. The next week was declared not working for evrebody, all restaurants, bars, shopping centers, cinemas and city parks were closed. According to the Russian Quarantine Service of Rospotrebnadzor (Russian Federal Service for Surveillance on Consumer Rights Protection and Human Wellbeing), eight people died and 1534 cases of the Covid-19 disease have been confirmed in Russia. EPA-EFE/SERGEI ILNITSKY

Американската администрација подготвува првичен пакет санкции против Русија, што вклучува забрана на американските финансиски институции да обработуваат трансакции на големи руски банки, објавија западни медиуми, повикувајќи се на свои извори.

Станува збор за прелиминарен пакет рестриктивни мерки кои Вашингтон ќе ги применува само во случај на руски напад врз Украина.

Според извештаите на западните медиуми, санкциите имаат за цел да и наштетат на руската економија преку нарушување на меѓубанкарските коресподентски односи, кои се во основата на глобалните парични текови.

Освен тоа, според изворите, САД имаат намера да стават на црна листа уште неколку руски поединци и компании. На нив ќе им биде забрането да тргуваат со Американци и ќе им бидат замрзнати средствата во САД.

САД постојано и се закануваат на Русија со построги санкции. Тие вклучуваат блокирање на Северен поток 2, мерки против рударската индустрија, финансиските институции, државниот долг, исклучувањето од SWIFT и ограничувања на рускиот лидер и неговото опкружување.

Изворите велат дека пакетот може да се промени до последен момент и не е јасно кои ќе бидат метите. Сепак, тие веруваат дека врвните руски финансиски институции, вклучително и ВТБ банка, Сбербанк и Газпромбанк се можни цели.