САД бараат Кина да дозволи истражувачки тим на Светската здравствена организација (СЗО) да има контакти во Вухан со „медицински работници, поранешни пациенти и лабораториски персонал“, како и пристап до медицински податоци и примероци.
Официјалниот претставник на Министерството за здравство на САД, Герет Григсби пред Извршниот одбор на СЗО рече дека Кина треба да обезбеди научна студија со податоци за примероци од животни, луѓе и животна средина собрани во Вухан, каде што се верува дека избувна епидемијата на коронавирус.
На Извршниот одбор на СЗО се обрати и претставник на Кина, кој рече дека политичкиот притисок мора да престане, бидејќи истражувањето за природата на вирусот е научна задача што бара координација и соработка.