Садр повика на големи демонстрации во Ирак против САД

48

Ирачкиот шиитски лидер Моктада Садр денеска повика на големи демонстрации поради американското присуство во Ирак.

– Ирачкото небо и неговиот суверенитет го кршат окупациски сили, напиша Садр на Твитер алудирајќи на неодамнешното убиство со дрон на иранскиот генерал Касим Сулејмани и на вториот човек на ирачките сили Хашад ал Шаби, Абу Махди ал Мохандис во Багдад.

Садр во пораката на Твитер повикува на „ирачки револт” и нСАДа „мирни демонстрации на милиони луѓе против присуството на Американците”. Но, тој не го објави датумот на собирот.

Неговиот повик е упатен во време кога во Ирак се одржуваат демонстрации, што почнаа во октомври против ирачките власти, обвинувајќи ги дека се неспособни и корумпирани и против растечкото влијание на Иран.

По убиството на Сулејмани и Мохандис демонстрантите исто така ги осудуваат САД дека ќе го одведат Ирак во хаос.

Ирачкиот Парламент на 5 јануари побара американските трупи да го напуштат Ирак, а проиранските фракции ги нарекоа американските војници окупациски сили.

Демонстрантите исто така да се анулира влијанието на Техеран, кој на убиството на генерал Сулејмани одговори со ракетен напад врз две бази во Ирак, каде се стационирани американски војници.

Додека владејачката гарнитура во Ирак се уште не именувала наследник на премиерот во оставка Адел Абдел Махди и неговата влада.

Во антивладините протести загинаа 460 луѓе, речиси сите демонстранти, а над 25.000 се повредени.