Со децении не се симнува од менито за Нова Година, а дел е од секоја трпеза на свечената вечера. За подготовка на руската салата нема да ви биде потребно повеќе од еден час.
Се е во добрата организација.
Потребни состојки:
- 300 грама компири
- 300 грама шунка
- 200 грама кисели краставички
- 200 грама варени моркови
- 4 варени јајца
- 150 грама конзервиран зелен грашок
- една тегла мајонез
- сол по вкус
- Подготовка:
Сварете го компирот, морковот и јајцата. Исецкајте ги на мали коцки.
Исецкајте ги краставичките и шунката, а потоа додадете го зеленчукот, како и грашокот.
Измешајте ги сите состојки, а потоа додадете го мајонезот и на крајот изедначете ја смесата.
Послужете ја, одлична е со домашни кифлички.
Пријатен вкус!