Испораката на електрична енергија во пределите каде што е регистрирано привремено исклучување и прекин во снабдувањето поради пожарите во моментов е стабилна. Како што информираат од Регулаторната комисија за енергетика и водни услуги (РКЕ) испораката во регионот на Кочани во најголем дел е стабилна, а во одредени делови од општина Ранковце и општина Кратово напојувањето етапно ќе се нормализира.
Во исто време РКЕ ја информира јавноста дека складот на Макпетрол не е зафатен од огнената стихија и нема нарушување на пазарот со нафтените деривати.
–Од добиените информации во однос на напојувањето со електричната енергија во Кочани можам да соопштам дека во најголем дел испораката е стабилизирана, додека се врши етапно приклучување во делови од општините Ранковце и Кратово, екипите на Електродистрибуција се на терен. Во однос на складовите со нафтените деривати каде се и дел од државните резерви не се зафатени од пожарот – вели Марко Бислимоски, претседател на Регулаторната комисија за енергетика и водни услуги.
