Пронајдена е голема шарена риба Опа, која минатата недела се насука покрај брегот на Орегон. Оваа многу ретка риба, позната како месечева риба, е откриена на плажата Сансет во градот Сисајд тежела околу 45 килограми.
Оваа риба е ретка за крајбрежјето во Орегон, соопшти аквариумот Сесајд во објава на Фејсбук, во која објавија неколку фотографии од рибата.
Кит Чендлер, извршен директор на Аквариумот Сисајд, изјави за Си-Ен-Ен дека оваа риба е невообичаена да се најде покрај брегот на Орегон и е во одлична состојба. “
Тие се прилично кул риби и ние обично не ги гледаме на брегот. Беше прилично возбудливо за локалното население”, рече Чендлер.
Според Националната управа за океани и атмосфера (НОАА), малку е познато за видовите, бидејќи тие живеат длабоко во океанот. Видот обично се наоѓа во умерени и тропски води.
Опа може да порасне до над 182 см и да тежи над 600 килограми. Поради состојбата во која е пронајдена рибата, Чендлер верува дека била на плажа помалку од еден час пред персоналот на аквариумот да го добие известувањето.
Бидејќи рибата не преживеала, се чува во голем замрзнувач, а аквариумот планира да работи со локална организација за дисекција на рибите за да дознае повеќе за видовите.
