Општина Карпош заврши со реконструкција на кракот на улицата „Драгиша Мишовиќ“, во населбата Карпош 3 (пред градинката „Орце Николов“).
Од ова скопска општина информираат дека станува збор за обнова на коловоз од 80 метри и ширина од седум метри, а реконструирани се и пешачките делови. Вкупната асфалтирана површина изнесува 1.600 квадратни метри.
– Оваа сообраќајница ги поврзува улиците „Карпошово востание“ и „Никола Русински“, а по сугестии на граѓаните, поставени се и слеани рабници, со цел подобра пристапност за велосипедистите, родителите/старателите кои ги носат децата во градинка, како и граѓаните со попреченост – соопштија од локалната самоуправа.
