Oпштината Центар ја продолжува акцијата за уривање на незаконски поставените тераси на кафулињата на улицата „Ленинова“ која ја започна вчера.
Како што информираат надлежните оваа акција ќе трае уште утре.
-Планирано е да се интервенира на 16 кафулиња. Се интервенира онаму да урбаната опрема е незаконски поставена, поточно каде сопствениците немаат одобрение за поставување на летна тераса, но и кај оние кои имаат одобрение, но зафаќаат повеќе површина од онаа која што им е дозволена-објаснуваат од Општината.
Од таму додаваат дека на дел од објектите интервенира овластен градежен инспектор на Општината Центар во соработка со СВР Скопје, а на дел интервенираат самите сопственици.
(А.П.)
