Прилепското јавно комунално претпријатие „Комуналец“ од денеска почна со чистење на обиколницата, од „Жито Прилеп“ до излезот во населбата „Варош“.
Ова, како што велат од претпријатието, е генерално чистење по подолго време.
Според „Комуналец“, по локалниот пат се направени голем број диви депонии каде се исфрлени големи количества комунален и градежен отпад. Отпадот од дивите депонии се собира со градежни машини и се транспортира во депонијата „Алинци“.
По дислокацијата на дивите депонии, „Комуналците“ ќе продолжат со чистење трње и шипови, ќе собираат отпадоци и ќе ја косат сувата трева.
На овој дел од градот ќе се работи една недела.
