На автопатот А1 во правец Смоквица-Демир Капија вчера во 13:30 часот бил приведен И.Б.(26) од Скопје, кој во патничко моторно возило „фолксваген голф“ со велешки регистарски ознаки превезувал шест лица, мигранти од Сирија и Авганистан.
Како што информираат од Министерство за внатрешни работи, И.Б. при обид да биде сопрен од полициски службеници, не застанал, и на местото викано „Црвени брегови“ со возилото удрил во патничко моторно возило „БМВ“ со скопски регистарски ознаки управувано од Б.К. од Гостивар.
Известен е јавен обвинител. И.Б. е задржан во Полициска станица Неготино и по насока на јавен обвинител против него ќе биде поднесена кривична пријава по член 418-б,ст.2 од Кривичниот законик.
