Приближно милион луѓе од муслиманското население на Ксинџијанг се наоѓаат во затвор во мрежата за проширување на кампови за „политичко преобразување“, информираат американски официјални лица и експерти на ОН.
Претставничкиот дом на САД вчера го усвои Законот за воведување санкции против службените лица во Кина кои се одговорни за злоупотреба на човековите права во кинескиот западен регион Ксинџијанг, јавува агенција Анадолија.
Најновиот потег за зајакнување на американскиот став кон Кина се случи речиси две недели откако Сенатот го одобри Законот за осуда на Пекинг поради третманот на оваа земја кон ујгурската заедница и другите муслимански малцински групи.
Законот за политика за човековите права на Ујгурите од 2020 година, сега се упатува кон „Одлучната маса“ за потпис или вето од страна на претседателот Доналд Трамп.
Според законот, Трамп треба да му достави на Конгресот список на високи функционери на кинеската Влада кои се вклучени или одговорни за сериозните кршења на човековите права, а Стејт департментот ќе му поднесе извештај на Конгресот за злоупотребите на човековите права во Ксинџијанг, вклучително и за лицата кои се задржани во работните логори.
Усвојувањето на законот уследи неколку часа откако државниот секретар Мајк Помпео му потврди на Конгресот дека Хонгконг повеќе не е автономен регион од копното Кина, и со тоа ја отвори вратата за промени во неговиот третман според американскиот закон.
Кинескиот регион Ксинџијанг е дом на околу 10 милиони Ујгури. Турската муслиманска заедница, која сочинува околу 45 отсто од населението на Ксинџијанг, долго време ги обвинува властите на Кина за културна, верска и економска дискриминација.
Приближно милион луѓе од муслиманското население на Ксинџијанг се наоѓаат во затвор во мрежата за проширување на кампови за „политичко преобразување“, информираат американски официјални лица и експерти на ОН.
Во извештајот објавен минатиот септември „Хјуман рајтс воч“ ја обвинува кинеската Влада за „систематска кампања за кршење на човековите права“ на ујгурските муслимани во Ксинџијанг.
Според извештајот подготвен на 117 страници, кинеската Влада спроведува „масовно произволно притворање, тортура и малтретирање“ на ујгурските Турци во регионот.
