Романскиот премиер, Лудовик Орбан, и четворица министри морале да платат казна поради непочитување на корона-мерките. Тие, според пишувањето на романската агенција „Медиафакс“, платиле казна затоа што не носеле заштитни маски на роденденската забава на премиерот во неговиот кабинет.
Фотографијата од роденденската прослава стигнала до јавноста поради што Орбан морал да плати 2.500 леи (околу 500 евра), затоа што не носел заштитна маска и пушел во својот кабинет.
Казна во ист износ треба да плати и шефот на романската дипломатија, Богдан Ауреску, кој исто така пушел.
This picture of #Romania‘s PM Ludovic Orban and several cabinet members drinking and smoking inside the gov HQ during the pandemic did not go well on social media
📸 posted on Facebook by a member of the opposition (PSD) pic.twitter.com/0QuvE3TfId— Ionut Iordachescu (@ic_iordachescu) May 30, 2020
Пушењето на јавни места е забрането со години во Романија, а поради коронавирусот, предвидена е и обврска за носење маска. Министерот за економија, Виргил Попеску, и министерот за транспорт, Лучијан Боде, добија помали казни бидејќи не носеле маски.
Потпретседателот на владата, Ралука Туркан, доби најмала казна, само 1.000 леи, затоа што на прославата имал маска, но не на устата и носот, туку околу вратот.