На 18-та седница на Советот за развој на Скопски плански регион скопските градоначалници ја разгледале информацијата за изработка на нов стратешки документ –Програма за развој 2020-2024.
Како што информира градоначалникот на Општина Ѓорче Петров, Александар Наумоски. воедно бил презентиран и проектот ,,Одржлив и инклузивен рамномерен регионален развој” на Министерството за локална самоуправа и Швајцарската агенција за развој.
Целта на проектот е да се намалат разликите во развојот помеѓу и во рамки на планските региони, што ќе придонесе за подобри услови за живеење на сите граѓани, истакна Саша Богданович, градоначалник на Општина Центар.
Пред општините е и четвртиот повик за прекугранична соработка со Косово.
