По филмот „Тома“, за Џеј ќе се снима филм „Недела“

201

По големиот успех што го постигна филмот „Тома“ посветен на животот на Тома Здравковиќ, најавено е снимањето на биографски филм за уште еден легендарен српски фолк пејач насловен по една негова легендарна песна. Филмскиот центар на Србија објави дека финансиски ќе го поддржи филмскиот проект за Џеј Рамадановски. Филмот „Недела“, насловен според една од најпознатите песни на Рамадановски, ќе го снима младиот режисер Немања Ќераниќ.

„Возбудливата приказна за животот на Џеј Рамадановски е претставена без непотребна патетика, со впечатливи ликови. Сценариото се држи до важните факти од биографијата на Рамадановски и во него е прикажана суровата реалност со која пејачот бил принуден да се соочува“, објави Филмскиот центар на Србија.

Џеј Рамадановски, кој потекнувал од ромско семејство од Македонија, почина лани на 57-годишна возраст.