Општина Велес започнува со интензивни градежните работи.
Како што информира градоначалникот Аце Коцевски, ќе се започне со реконструкцијата на завршниот слој на асфалт на дел од улицата „Благој Ѓорев“ и дел од улицата „8 Септември“- од раскрсницата кон Брза помош, до раскрсницата кај јаворите со површина од 3.800 метри квадратни.
Ќе се изврши гребење на завршниот слој и асфалтирање. Изведувач на градежните работи е Друштвото за градежништво „Битем“ од Скопје. Коцевски најави и асфалтирање и на други сообраќајници во градот, како што е Сателитската населба на езеро „Младост“и во селата Црквино и Горно Оризари.
Јавното претпријатие за државни патишта на Општина Велес ѝ одобри 15 милиони денари за реконструкција на улицата „Вардарска“ во должина од 1.100 метри, за реконструкција на дел од влезниот регионален пат од Штип кон Велес и третата делница што треба се реконструира со дел од тие средства е стариот регионален пат кон Градско.
