Поради операција на коленото Федерер ќе загуби над 3.000 АТП бодови

72
ROGER FEDERER (SUI) TENNIS , AUSTRALIAN OPEN, MELBOURNE PARK, MELBOURNE, VICTORIA, AUSTRALIA, GRAND SLAM, HARD COURT, OUTDOOR, ITF, ATP, WTA, 2020, © TENNIS PHOTO NETWORK

Третиот светски тенисер во моментот Роџер Федерер ќе загуби преку 3.000 бода на АТП листата поради пропуштање на пролетниот дел од сезоната и потребата да се подложи на операција на коленото.

Швајцарецот соопшти дека од таа причина нема да ги брани ланските освоени бодови на тврда подлога и на земја и оти планира да се врати на АТП турот за сезоната на трева. Тој лани триумфира во Мајами и во Дубаи, играше во финале во Индијан Велс, во четврт-финале во Рим и во Мадрид и полуфинале на Ролан Гарос што преведени во бодови изнесува 3.180.

Федерер моментно има 7.130 бода што значи дека ќе падне под 4.000, нема да излезе од топ 10, но значително ќе го расипе својот пласман.

Извор:МИА