Во магацин во Струмица каде се пакуваат хуманитарни пакети кои се донација од семејството Заеви, синоќа пред полноќ влегле полициски службеници и јавен обвинител, објави МИА. Полицијата и денеска е пред магацинот и е стопирана дистрибуцијата на хуманитарната помош, намената за граѓани од социјално-ранливи категории.
Синоќешниот настан за медиумите го потврдија и од ОЈО Струмица. Струмичкиот јавен овинител, Миле Петков,изјави дека обвинителството постапило по барање на полицијата.
Лидерот на СДСМ Зоран заев, на неговиот фејсбук профил го потврди настанот и побара одговорност.
-Барам одговорност за скандалот што доцна ноќеска се случи во Струмица, каде што преку злоупотреба на полиција и државни институции ВМРО-ДПМНЕ, Наќе Чулев и Христијан Мицкоски се обидоа да спречат хумана, солидарна акција за помош на моите сограѓани, напиша Заев на фејсбук, откако синоќа полицијата упадна во магацинот каде што се наоѓаат прехранбените производи кои се донација од семејството Заеви во време на кризата.
„ВМРО-ДПМНЕ преку полициски структури попречува хуманитарна помош за граѓани преку злоупотреба на државни институции. ВМРО-ДПМНЕ со полициски режимски структури синоќа до рани утрински часови вршеше притисок и закани врз волонтери и членови на граѓанска организација. Држеа млади волонтери во полициска станица, им се закануваа, само затоа што некој добил партиска задача и му смета солидарноста. Тоа е одлика на нелуѓе од еден режим којшто одамна го поразивме заедно со граѓаните. И затоа таквите партиски насилници мора да сносат одговорност, пишува заев на ФБ.
