Припадниците на полицијата во ПС Центар, започнаа со патролирање на велосипеди за полесно и ефикасно справување со мерките против Корона вирусот.
Велосипедите и дел од велосипедската опрема со која ќе патролираат припадниците на полицијата се општинска донација за полицијата.
– Традиционално добрата соработка ќе продолжи и во периодот што следи, со донација на уште велосипеди и опрема – информира градоначалникот на општина Центар, Саша Богдановиќ.
Тој веста ја објави на фејсбук и центарци веднаш посочија на кои локации полицијата треба да обрне внимание при патролирањето, особено во време на полицискиот час.
