Анкета на белгиското здружение за заштита на потрошувачите покажува дека на 57 отсто од граѓаните во Белгија им е поткопана довербата во вакцината на „АстраЗенека“, поради постојаните проблеми со оваа компанија.
Анкетата е извршена меѓу 26 и 30 март, односно пред потврдата на Европската Агенција за лекови за поврзаноста со згрутчувањето на крвта.
„АстраЗенека“ од самиот почеток се соочува со проблеми во Европа: непочитување на договорите за дистрибуција на дозите, недоволни тестови кај постари лица, ризик од тромбози. Овие тешкотии се одразиле и на општата доверба во вакцините во Белгија, бидејќи 41 отсто од граѓаните изјавиле дека губат доверба во сите вакцини поради проблемите со „АстраЗенека“.
Извор: МИА
