По синоќешните обилни врнежи, но и воопшто невремето кое деновиве го зафати главниот град и други градови во земјава, сликата на многу места е поплавени улици, булевари. Но, најстрашни се ископаните и неасфалтирани улици претворени во градилишта, како и огромните дупки на истите.
Една таква има и во скопски Аеродром, а на сета мака на „дромци“, едно момче реши да биде малку смешно, повеќе иронично, надевајќи се дека ќе ги „разбуди“ општинарите да преземат нешто.
Тој решил да го искорити огромниот вир и да заплива во него, а тоа да го сними и сподели на социјалните мрежи.