Иако готвењето супа се чини како најлесната кулинарска задача што бара само тенџере со вода, зеленчук и месо, готвењето совршена супа не е толку лесно.
Ви носиме рецепт за вкусна и кремаста пилешка супа од тестенини која е сè што ви треба оваа есен.
Состојки
- Три лажички путер,
- една главица кромид,
- три чешниња лук (средна големина),
- две лажички ситно сецкана мајчина душичка или три лажички сушена мајчина душичка,
- две лажички сол, мелен пипер,
- два средни моркови излупени и тенко исечени,
- 30 грама брашно (околу една полна лажица),
- пилешка коцка за супа,
- широки тестенини (резанци) со јајца,
- насецкано варено пилешко месо,
- три лажички ситно сецкан магдонос,
- една лажица свеж сок од лимон
Подготовка
Загрејте го путерот на тава, на послаб оган. Додадете го кромидот и пржете неколку минути, додека не омекне. Потоа додадете го лукот, мајчината душичка, сол, бибер, брашно и гответе мешајќи уште две минути.
На страна во тенџере ставете ја коцката супа во еден литар вода, да зоврие, а потоа во неа постепено додавајте ја претходната смеса. Додадете ги морковите и намалете го огнот, по што ќе оставите да врие 15 минути.
Додадете ги тестенините и гответе ги 8 до 10 минути, односно да омекнат и претходно додадените моркови, а да се сварат и тестенините. Додадете го пилешкото и павлаката и варете уште 2 до 3 минути, додека не зоврие.
На крајот додадете магдонос и сок лимон, по вкус уште малку сол и бибер. Супата е подготвена за сервирање.
Пријатен вкус!
