Пеле со порака до Мбапе

77
epa07995826 Brazilian soccer legend Edson Arantes do Nascimento, better known as Pele, poses during an interview with Spanish news agency EFE at the Pele Museum in Santos, Brazil, 12 November 2019 (issued 14 November 2019). EPA-EFE/SEBASTIAO MOREIRA

Легендарниот бразилски фудбалер Пеле одговори на зборовите за поддршка од напаѓачот на француската репрезентација Килијан Мбапе.

Бразилецот од болница порача: „Благодарам Мбапе. Мило ми е што го собори мојот рекорд, пријателе!“ напиша Пеле на Твитер.

Французинот стана првиот фудбалер во историјата кој постигнал девет гола на светските првенства пред да наполни 24 години. Претходно рекордот го држеше Пеле, кој пред својот 24 роденден постигна седум гола.

Како што претходно објавија бразилските медиуми, 82-годишниот Пеле добива палијативна нега откако хемотерапијата престана да ги дава очекуваните резултати.

Пеле е хоспитализиран за повторна евалуација на третманот за рак на дебелото црево. Подоцна му била дијагностицирана респираторна инфекција.