Околу 400 локации значајни за туризмот во Кавадарци ќе добијат патокази. Дрвените патокази кои покажуваат на која оддалеченост се наоѓаат локациите значајни за посетителите, општината ги доби како донација.
– Овие патокази ќе бидат поставени на 40 столба распоредени на повеќе сообраќајници, раскрсници, булевари, на секој столб по неколку. Таа работа ќе ја завршиме до почетокот на традиционалната стопанско туристичка и културна манифестација „Тиквешки гроздобер” која ќе се одржи на 6, 7 и 8 септември, информираше кавадаречкиот градоначалник Митко Јанчев.
Целта е развој на туризмот и промоција на природни убавини и други објекти кои заслужуваат да бидат видени.
На патоказните столбови, покрај излетнички места во и околу градот, културни и спортски институции, свое место ќе најдат и угостителските објекти.