Паркингот на Средно Водно викендов го искористиле 350 возила, според бројот на испратени СМС пораки, информираат градските власти.
Тие потенцираат дека зонското паркирање на паркиралиштата на Средно Водно е воведено за да се овозможи безбедно рекреирање на пешаците и велосипедистите.
Паркирањето се наплаќа за време на државните празници и за викендите од 9 до 16 часот. Цената за првиот час паркирање изнесува 100 денари, а секој нареден час – 50 денари. На паркиралиштата е поставена соодветна хоризонтална и вертикална сигнализација, како и информативни табли.
Инаку, паркирањето е бесплатно за хендикепираните лица и за туристичките автобуси, а паркирањето во зеленило се санкционира.
Градот Скопје апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта.