Капитенот на полската кошаркарска репрезентација, Матеуш Понитка, кариерата ќе ја продолжи во грчки Панатинаикос. По одличниот настап на Евробаскетот, неговото име се поврзуваше со неколку европски гиганти, како Виртус Болоња и Басконија, но на крајот реши кариерата да ја продолжи во Грција.
Понитка беше најдобриот кошаркар на Полска на неодамна завршениот Евробаскет каде имаше просек од 13,4 поени, 5,7 асистенции и 5,3 скока по натпревар.
Полјаците беа најпријатното изненадување на шампионатот, откако во четвртфиналето ја совладаа Словенија, а Евробаскетот го завршија на четвртото место.