Полицијата го бара Манзур Хусеин затоа што наводно запалил куќа во пакистанскиот кварт Музафаргарг, каде живееле неговите две ќерки Фаузија Биби и Куршид Маи. Во пожарот загинале двете ќерки, нивните четири деца и сопругот на Маи.

Фаузија Биби пред 18 месеци се омажила за Мехуб Ахмад против волјата на нејзиниот татко. Тоа бил брак од љубов, а не договорен брак, јави Си -Ен -Ен.

„Инцидентот беше предизвикан од конфликт меѓу две семејства поради брак од љубов“, соопшти локалната полиција.

Сопругот на Биби, Ахмад и рекол на полицијата дека не бил дома во моментот на пожарот и дека кога се вратил од работа рано наутро, го нашол својот дом во пламен. Неговиот четиримесечен син, заедно со трите деца на Маи на возраст од 2, 6 и 13 години, загинаа во пожарот.

Во Пакистан, стотици жени се убиваат секоја година од членови на семејството, поради стапување во брак против нивна волја, наведува Комисијата за човекови права на Пакистан.