ОЈО Скопје побара парична казна за скопјанец – фалсификувал потврда за негативен тест на коронавирус

43

Основното јавно обвинителство Скопје поднесе предлог за казнен налог за 37-годишен скопјанец кој се товари дека фалсификувал медицинска потврда за негативен тест за коронавирус.

Предлогот на јавниот обвинител од Основниот кривичен суд Скопје е на обвинетиот да му се определи парична казна од 100 дневни глоби со поединечна висина на дневната глоба од 20 евра во денарска противвредност.

Скопјанецот на 25 јули на Меѓународниот аеродром Скопје ја употребил фалсификуваната медицинска потврда за негативен тест на SARS-CoV-2 вирусот.