Заборавено тенџере на шпорет утринава било потенцијална опасност да опажари стан на осми кат во зградата со број 10 на улица „Методија Шатарлов Шарло“, во населбата Аеродром.
Како што информираше Владимир Симоновски, командант на Бригадата за противпожарна заштита на град Скопје, кога по дојава пристигнале пожарникарите, во станот имало само чад. Поради нивната брза интервенција било спречено да настане пожар.
