Во фоајето на Националната опера и балет (НОБ) вечерва се одржа гала моден настан „Осветлено“, на кој беа изложени оригиналните модни дизајни на светски познатата холандска хај – тек модна дизајнерка Анук Випрехт.
Модните дизајни на дизајнерката Анук Випрехт ја спојуваат модата и технологијата.
Настанот беше во организација на Амбасадата на Кралството на Холандија, а се реализираше во соработка со студентите од Институтот за дизајн и инженеринг на облека при Технолошко-металуршкиот факултет во Скопје, под менторство на професорката и модна дизајнерка Лидија Георгиева.
По промоцијата на модните дизајни, Анук Випрехт им се заблагодари на студентите и на нивната менторка Лидија Георгиева за соработката и посочи дека модата и технологијата почнала да ги комбинира уште од 17 години.
Инаку, холандската дизајнерка живее и работи на релација Л.А. Мајами – Амстердам и нејзините модни дизајни во себе инкорпорираат вештачка интелигенција и технологија.
